الحقيقة ديال دلاح زاكورة الدلاح ديال زاكورة و طاطا قليل هاد العام بسبب قلة المساحة المغروسة لأن السلطات المغربية منعته في هاد المناطق و السلعة اللي طايبة و موجودة راه داخلة لمحطات التلفيف و متجة للتصدير نحو الخارج و كتباع في اوروبا 1,5-2 يورو للكيلو.
كاينة سلعة مليحة في السوق المغربي و لكن دايرة الثمن 15-20 درهم للكيلو و قليلة و متواجدة في بعض المدن مثل الدار البيضاء-الرباط-مراكش…و في بعض المساحات الكبرى "مرجان،اسواق السلام…".
الدلاح غادي يكون ان شاء الله بكثرة و بثمن جيد (للمواطن و الفلاح) أواخر ماي و في بداية يونيو ملي يدخل الإنتاج ديال تارودانت و شيشاوة و بني ملال ..